Сөй гомерне, сөй халыкны, сөй халыкның дөньясын!
  • Рус Тат
  • Реклама
    Яңалык/Эксклюзив
    • БҮГЕНГЕ СТАТИСТИКА (6 АВГУСТ) Татарстанда коронавирусның 30 яңа очрагы теркәлгән. 7 кешене хастаханәгә салганнар, 23е дәвалануны өендә уза.
      74
      0
      0
    • БАЛАЛАР ӨЧЕН БЕТ БАЗАРЫ 8 августта нәни казанлылар өчен үзенчәлекле чара планлаштырыла. Әмма кеше саны бик чикләнгән…
      120
      0
      0
    • 3,5 ТОННА КОРБАН ИТЕ ӨЛӘШЕНГӘН Быел да Татарстанда Корбан бәйреме уңаеннан шәкертләр һәм өлкәннәр, инвалидлар һәм йортсызлар, ятимнәр һәм ялгыз аналар, күпбалалы һәм аз керемле гаиләләргә, милләтенә һәм диненә карамастан, корбан итләре тапшырылды.
      98
      0
      0
    • «ГЛАГОЛИЦА» БӘЙГЕСЕ ОЕШТЫРУЧЫЛАРЫ: «ТАТАРСТАННАН ЭШЛӘР КҮБРӘК БУЛСЫН ИДЕ!» Бүген «Глаголица» бәйсез әдәби премия оештыручылары һәм катнашучылары белән матбугат конференциясе булып узды. Быелгы конкурска нинди үзгәрешләр кергән һәм оештыручыларны, жюри әгъзаларын нәрсә борчый икән?
      152
      0
      0
    • Яшь осталар көч сынашты «Үзегез сайлаган һөнәргә тулысынча бирелегез. Һәрчак камиллеккә барырга, үз эшеңдә иң яхшысына әйләнергә тырышырга кирәк»
      1768
      0
      6

    Фәнни конференция оештыручылар пандемия чорында да аптырап калмый

    Татар теле белән вәзгыять Русиядә болай да катлаулы, әгәр сез үз конферецияләрегездә һәм фәнни җыентыкларыгызда без, татарларны ана телебездә катнаштырсагыз, бу татар теленә төрки дөньяның да игътибары һәм ярдәме булыр иде, дип яздым. Рәхмәт, оештыручылар бу мәсьәләдә чыннан да ярдәм кулы сузды: хәзер Татарстан галимнәре конференцияләрдә һәм фәнни җыентыкларда рус телендә түгел, рәхәтләнеп татар телендә чыгыш ясый ала.

    Төркиянең Кавказ университетында (Карс шәһәре) бик матур бер традиция гадәткә кергән: монда Әзәрбайҗан мәдәнияте үзәге пандемия дип тормый, ай саен халыкара фәнни-гамәли конференцияләр үткәреп килә. Билгеле, хәзергә онлайнда. Танылган әзәрбайҗан язучысы, сәясәтчесе һәм табиб Нариман Наримановның тууына 150 ел тулу уңаеннан үткәрелгән конференциядә миңа да катнашу насыйп булган иде, шунда беренче тапкыр видеоконференцияләр форматы төрле илләрдә яшәгән белгечләргә аралашыр өчен бик кулай һәм үтемле икәнен аңладым.

    Бүген менә әзәрбайҗан совет шагыйре, Социалистик Хезмәт Герое Рәсул Рзаның тууына 110 ел тулуга багышланган V Халыкара “Modern Science and Technology İnnovations” фәнни конференциясенә “кереп” тыңлап утырдым. Әзәрбайҗан һәм төрек телләрендә бай эчтәлекле чыгышларны Төркия, Әзәрбайҗан галимнәре ясады. Оештыручылар Ellada Gerayzade, Sabina Mammedova, İlkın Gülüsoy га рәхмәт: интернет белән кайбер проблемалар килеп чыкса да, конференция темалары төрки халыкларның гуманитар фәннәрен шактый тулы колачлый. Әлеге фәнни мәҗлес нәтиҗәләре буенча оештыручылар махсус җыентык әзерли (https://elger-etm.com)

    İlkın Gülüsoy

    Реклама

    Шунысы әһәмиятле: Әзәрбайҗан мәркәзе үзе үткәргән конференцияләрдә барлык төрки, рус, инглиз телендә чыгыш ясарга рөхсәт итсә дә, фәнни мәкаләләр әлегәчә татар телендә басылмый иде. Эллада Гәрайзадә ханымга мөрәҗәгать итеп, мин бу хәлне төзәтүләрен сорадым. Татар теле белән вәзгыять Русиядә болай да катлаулы, әгәр сез үз конферецияләрегездә һәм фәнни җыентыкларыгызда без, татарларны ана телебездә катнаштырсагыз, бу татар теленә төрки дөньяның да игътибары һәм ярдәме булыр иде, дип яздым. Рәхмәт, оештыручылар бу мәсьәләдә чыннан да ярдәм кулы сузды: хәзер Татарстан галимнәре конференцияләрдә һәм фәнни җыентыкларда рус телендә түгел, рәхәтләнеп татар телендә чыгыш ясый ала.

    Ellada Gerayzade

    “Татарча чыгыш ясадыңмы соң?” – диярсез. Кызганыч, эш урынымдагы компьютерда видеокамера юк икән, һәм бу юлы микрофон да канәгатьләнерлек эшләмәде – шулай итеп, бүген төрки дөнья татар телендәге фәнни чыгышны ишетмичә калды) Югыйсә, русча язылган фәнни мәкаләмне, махсус шушы җыентык өчен дип, татарчага да тәрҗемә итеп куйган идем инде. 

    Кызык, ә Казанда пандемия башланганнан соң берәр халыкара дәрәҗәдәге фәнни конференция үткәрелдеме икән? Үткәрелсә, шәп булыр иде ул: бүлмәңнән чыкмыйча гына, бөтен дөнья буйлап сибелгән фикердәшләреңне, коллегаларны күрәсең, акыллы фикерләр ишетәсең, рәхәтләнеп үз идеяләреңне дөньяга үткәрәсең...

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Комментарии (0)
    Осталось символов:
    Реклама
    • Потребуй чек! Проверь чек!
    • Милли китап һәм көйләр
    • Язылган өчен мотоблок, ТВ, планшет һәм башка бүләкләр от!
    • Өр-яңа акция!
    • Журналга онлайн язылу