Сөй гомерне, сөй халыкны, сөй халыкның дөньясын!
  • Рус Тат
  • Реклама
    Яңалык/Эксклюзив

    Мәктәп ашханәләрен Роспотребнадзор өстәмә тикшерәчәк!

    Россия Федерациясе Президенты В.В. Путин йөкләмәсе һәм аның нигезендә чыгарылган "Роспотребнадзор" ның 16.10.202020 № 723 боерыгы нигезендә 2020/2021 уку елында 1589 мәктәптә  планнан тыш тикшерүләр үткәреләчәк. 

    Тикшерү вакытында менюга, ризыкның тарату ысулына, ризык әзерләү технологияләренә, азык-төлекне саклау шартларына һәм маркировкаларга зур игътибар биреләчәк. Моннан тыш, лаборатор тикшерүләр ярдәмендә ашның пешеп җитүе, калорияләр саны һәм сыйфаты исәпләнә.

    Бүгенге көндә Идарә тарафыннан 408 мәктәп тикшерелгән, аларда 53787 бала укый. 220 мәктәптә закон бозулар ачыкланган. 

    Тикшерү барышында ачыкланган иң еш бозу очраклары:

    Реклама

    1. Җиһазлар, кухня инвентаре, савыт-саба юу режимнарын үтәмәү.
    2. Кайнар ризыкның бирү температурасының түбәнәюе.
    3. Продукциядә маркировкалар булмау.
    4. Суыткычларда продуктларның дөрес сакланмавы.
    5. Килешенгән менюны үтәмәү.

    2020 елның 14 сентябреннән 5 октябренә кадәр гомуми белем бирү оешмаларында туклануны оештыру мәсьәләләре буенча «кайнар линия» ачылды. Оешма эшләү дәверендә татарыстанлылардан барлыгы 282 шалтырату, 11 язма килгән. «Кайнар линия» эше кысаларында аларның 5се тикшергәндә расланды. 5-11 сыйныфлар өчен порцияләрнең түбәнәюе, калган аш-суларның расланган менюга туры килмәве (менюда балык, яшелчә һәм җиләк-җимеш юк), азык-төлек җыелмасы составында сыйфатсыз азык-төлек продуктлары, азык-төлек блогында антисанитариягә карата шикаятьләр расланган. Татарстан Республикасының 35 муниципаль берәмлегендә 100 мәктәп укучылары белән берлектә ата-аналар тарафыннан тутырылган 1177 анкета анализланды.

    Гомумән алганда, мәктәптә туклануны оештыруны 61,9% «канәгатьләнерлек» дип бәяләде, 29,7% - «Начар», респондентларның 5,7% нинди дә булса бәя бирергә кыенсынды.
    2020 елдан Роспотребнадзор ризыкның ашалмыйча калган өлешен дә исәпли башлаган. Тикшерелгән объектлар буенча ул 20 процентка кадәр тәшкил иткән. «Мәктәпләргә, районнарга һәм укучыларны кайнар ризык белән тәэмин итүче оешмаларга чүп чиләгенә атылган ризык күләме буенча тирән анализ ясаячакбыз. Аның проценты республика буенча уртача күрсәткечтән югарырак булса, чираттан тыш тикшерү үткәрү өчен сәбәп булачак», — дип кисәтте Татарстанның баш санитар табибы.

    «Мәктәптә туклануны оештыру һәрвакыт Роспотребнадзорның җентекле рәвештә тикшерү объекты булды. Ел саен без якынча 500-600 мәктәпне тикшерәбез. Узган уку елында 572 мәктәпне тикшердек. 78 процентында санитар кагыйдәләр бозу ачыкланды. Барлыгы 4 миллионнан артык сумга 960 штраф салынды. Җиһазлары эшләмәү сәбәпле 3 мәктәп ашханәсенең эшчәнлеге туктатылды», — диде Марина Патяшина. 

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Комментарии (0)
    Осталось символов:
    Реклама
    • ИДЕЛ. ГЫЙНВАР САНЫН УКЫЙБЫЗ.
    • "Отмена ЕНВД. Что делать?"
    • ИДЕЛ, ДЕКАБРЬ. ЭЧТӘЛЕК
    • ЯЗЫЛЫРГА ӨЛГЕРЕГЕЗ!
    • ӘДӘБИ МАРАФОН. ФОТОРЕПОРТАЖ
    • БЕЛЕМ ҖӘҮҺӘРЛӘРЕ. ФОТОРЕПОРТАЖ
    • ПОЛИЦИОНЕР. ТИНЧУРИН ТЕАТРЫ
    • Кышкы язылу өчен бүләк от!
    • ӘДӘБИ СУД. ИДЕЛ.
    • ИДЕЛ. ЯШЬЛӘР ШУРАСЫ