Яшь шагыйрәләр һәм язучылар өчен бәйге!

Яшь шагыйрьләр һәм язучылар өчен татар телендә "Яшел сигналга сәяхәт" Республика конкурсы игълан ителде.

Конкурста татар телендә язучы Татарстан Республикасы, Россия Федерациясе төбәкләреннән һәм чит илләрдән килгән яшь шагыйрьләр һәм язучылар катнаша ала.

Конкурсантларның яше: 16дан 35 яшькә кадәр.

Конкурс 2021 елның мартыннан апрель аена кадәр үткәрелә:

I этап (2021 елның 1 мартыннан 4 апреленә кадәр) - Оештыру комитетының электрон почтасына гаризалар һәм әсәрләр җибәрү;

II этап (2021 елның 12 апреленнән 23 апреленә кадәр) - жюри әгъзалары тарафыннан әсәрләргә эксперт бәя бирү, конкурста җиңүчеләрне билгеләү;

Ill этап (2021 елның 26-30 апреле) - конкурста җиңүчеләрне игълан итү, тантаналы бүләкләү. 

Нигезләмә белән монда танышырга мөмкин.