Сөй гомерне, сөй халыкны, сөй халыкның дөньясын!
  • Рус Тат
  • Реклама
    Яңалык/Эксклюзив
    • Агачлар ни турында җырлый - белеп кайт! 11-нче августта Горький исемендәге Казан паркында ачык һавада «Агачлар ни турында җырлый» дигән спектакль премьерасы була. 3 көн дәвамында казанлыларның Идел буе халыклары әкиятләренә нигезләнгән куелышны күрү мөмкинлеге булачак. Йолалар һәм халык җырлары нигезендә куелган «Агачлар ни турында җырлый?» спектакле дүрт әкияттән тора – удмурт «Красавица береза», чуаш «Юман-батыр», мордва «Дуболго Пичай» һәм мари «Волшебный меч». Спектакльдә Татарстан театрлары актерлары, Россиянең бәйсез артистлары һәм театр әһелләре катнаша. Куелышның режиссеры булып Сойжин Жамбалова чыгыш ясады. Аның сүзләренчә, әлеге спектакль – халыкның милли кодын тикшерү һәм аны ачык киңлектә театр телендә формалаштыру омтылышы. Әйтик, Горький исемендәге паркта зур кыр уртасында көзге елгасы җәелеп китәчәк, ә аның ярларында дүрт йорт урнашачак. Спектакль аша казанлылар Идел буеның һәр этник мәдәниятенең нәрсә эшләвен һәм заманча кешенең табигатьтән ни дәрәҗәдә ерак китүен белә алачак. Бу темаларга уйланырга һәм спектакльне бәяләргә 16 яшьтән алып барлык теләүчеләрне чакыралар. Күрсәтү Горький исемендәге паркта 11, 12 һәм 13-нче август көннәрендә узачак. Башлана – 18:30 сәгатьтә, куелыш озынлыгы – 2 сәгать. Спектакль рус телендә барачак. Исегезгә төшерәбез, проект Казан Мэриясе тарафыннан тәкъдим ителде һәм Татарстан Республикасында Туган телләр һәм халыклар бердәмлеге елы кысаларында әзерләнде.
      19
      0
      0
    • Дилә Нигъмәтуллина бала алырга җыена? Күптән түгел күптәнге хыялымны тормышка ашыру вакыты җитүен аңладым, дип яза ул
      18
      0
      0
    • САК БУЛЫГЫЗ! ТОРНАДО КИЛӘ Тверь өлкәсенә зур зыян салган торнадо бүген, 4 августта, Идел буе районнары, шул исәптән Татарстан өстеннән дә үтәргә мөмкин.
      60
      0
      0
    • ЧӨГЕНДЕР - 15, КИШЕР - 30 сум! 7 августта Казанда авыл хуҗалыгы ярминкәләре башлана.
      69
      0
      0

    Кайтарыгыз ШТКны!

     Бүген нинди генә юмор һәм сатира телетапшырулары юк. Иң танылган һәм зур тарихка ия булганы ул – КВН. Татар яшьләре тормышында да үз урыны бар иде ул уенның. Сүзем татар КВНы:  ШТК – Шаяннар һәм Тапкырлар Клубы турында булыр.

    Студент чорларында бик яратып ШТКда уйный идем. Без «Татар team» командасы белән төрле уеннарда катнашып, Татар лигасының сезоннарын калдырмадык. Шулай ук «Республика», «Сәләт» лигаларында да үзебезне күрсәтергә өлгердек. Сәхнәдә өч-дүрт минутлык чыгыш ясап, тамашачы күңелен күтәрер өчен күп көч куярга кирәк. Актуаль темаларга татар телендә мәзәк уйлап, ул мәзәкне бик кызык итеп җиткерә белү дә күп тырышлык таләп итә.

    Шәхсән, минем өчен, ШТК күп дуслар, истәлекле, күңелле, онытылмас мизгелләр бүләк итте. Җиңүләр, җиңелүләр, уеннарга әзерләнү этаплары күңелдә җылы бер хатирә булып уелып калды. Берничә мәзәк тә истә калган:

              *Чи попкорн ашаган кыз солярийга кергәч шартлады.

              *Минем бар этем Акбай. Ну бу вообще парадокс. Ул үзе ак, ә үзе бай түгел.

    Илдәге вәзгыять, төрле вакыйгалар турында оста итеп «төрттерүче» кызлар-егетләр уйнаганын яшьләр генә түгел, өлкәннәр дә кызыксынып карыйлар бит. Ә нигәдер соңгы арада бу хәрәкәт тукталды. Интернет челтәрендә дә яңалыклар күренми. ШТКның булмавы, хәрәкәтнең шулай юкка чыгуы бик начар. Бәлки, татар яшьләренә татар КВНы ник кирәк, диярләр. Юк, үз туган телебездә шаяра, көлә белү – бик әйбәт. Халык үз проблемаларыннан көлә икән, ул халыкның фикере бар, дигән сүз. Татар КВНының юкка чыгуы бик кызганыч. Хәзер ул «Сәләт» яшьләр оешмасы үткәргән җәйге аланнарда, форумнарда гына яши бугай…

     

    ШТК – татар юморын яңа дәрәҗәгә күтәрә. Ул яңа кадрлар: киноларда төшүчеләр, алып баручылар, кызыклы сценарий авторларын әзерли. Аның юкка чыгарга хакы юк!

    «ШТК югалмады»

    Рамил Әһдиев, татар КВНы лидерларының берсе:

    КВНның татар лигасы бер кая да китмәде. Хәзерге вакытта аның форматы үзгәртелә, бәлки исеме дә яңарыр әле. Ребрендингны планлаштырабыз. Үзгәрешләрдән шуны төгәл әйтә алам: хәзер ШТК сезоны октябрьдә – яңа уку елыннан түгел, ә гыйнвардан – календарь ел башыннан старт алачак. Чемпионны декабрьдә билгеләячәкбез. Яңа һәм кызык тамашалар алда!

    «Юморга урын бар»

    Роберт Исламов, юмор остасы:

    Яшьләр, соңгы арада татар КВНы булмаганга күрә зарланадыр. Юкка чыкмаган ул, минем ишеткәннәр буенча, расписаниесен генә үзгәртергә җыена. ШТКның киләчәге дә, планнары да зурдан! Татар халкы яши икән, димәк юморга да урын бар. Ә татарча КВН кирәк!

    Гөлия Имамова

    Реклама

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Комментарии (0)
    Осталось символов:
    Реклама
    • "Язмыш" газетасы
    • Китап тыңла!
    • Kazan Digital Week-2021 (1)
    • ТАВЫШ БИР: Иң матур җырчы гаиләсе
    • Хәтер
    • Сезнең өчен уйныйбыз!
    • Наркотикларсыз тормыш
    • "Чтобы получить субсидию - убедись в отсутствии налоговой задолженности"
    • Занятость
    • Милли проект