Сөй гомерне, сөй халыкны, сөй халыкның дөньясын!
  • Рус Тат
  • Реклама
    ТАССР 100 ел
    Яңалык/Эксклюзив
    Видео
    • НАРКОТИКЛАРГА - ЮК

    Казанда WorldSkills көннәре: фан-зоналар кайда урнашачак?

    WorldSkills чемпионатын уздыру вакытында Казанның Парклар һәм скверлар дирекциясе 22-27 август көннәрендә махсус тематик программа әзерләде. 

    Паркларда чемпионатта катнашучыларны һәм казанлыларны илнең, төбәкнең мәдәни традицияләре, шулай ук ярышларның үзенчәлекләре белән таныштырырга тиешле мәдәни мәйданчыклар эшлиячәк. 

    Төп мәйданчыклар: Горки-Әмәт урманы, Горький исемендәге парк, Кабан күле яр буе. Чаралар шулай ук Бауман урамында да узачак. 

    Үзәк мәдәни мәйданчык Горки-Әмәт урманы булачак. Төп программасы - заманча Татарстан һәм эшче яшьләр. 22-27 август көннәрендә паркта Чемпионатның ачылу һәм ябылу тантанасыннан трансляция күрсәтеләчәк, концерт программалары әзерләнәчәк, танылган диджейлардан мастер-класслар узачак. Спорт трансляцияләре һәм кинолар да күрсәтеләчәк. 

    Горький исемендәге паркта илләр дуслыгына басым ясалачак. Биредә шәһәрлеләрне һәм туристларны чемпионат һәм эшче һөнәрләр белән генә түгел, ә төрле илләрнең мәдәният үзенчәлекләре белән дә танышу көтә. 23-26 август көннәрендә паркның зур газонында мәдәниятнең үзенчәлекләре турында сөйлиячәкләр һәм төрле илләрнең милли ашлары тәкъдим ителәчәк. 

    Кабан күле яр буенда 23-25 августта Казан музыкантлары чыгыш ясаячаклар, театрлар үзләренең спектакльләрен күрсәтәчәк. Кичләрен Татарстанның танылган режиссерларының кинолары күрсәтеләчәк һәм бушлай экскурсияләр узачак. 

    Паркка килүчеләр өчен 15 җәйге кафе, 17 туңдырма һәм 11 башка җәмәгать туклану ноктасы, 11 аттракцион һәм спорт-күңел ачу объекты, 7 спорт инвентаре прокаты һәм 2 фото-хезмәт күрсәтү объекты эшлиячәк. 


    Реклама

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Комментарии (0)
    Осталось символов:
    Реклама
    • Пушкин картасы
    • Милек өчен салымны түләү - 1 декабрьгә кадәр
    • Бөтенроссия халык санын алу (ИНФОГРАФИКА)
    • ВИЧ-инфекция
    • Квалификацияләнгән электрон имза алыгыз
    • ФИНАНС КУЛЬТУРАСЫ
    • Бергә сайлыйбыз!
    • "Язмыш" газетасы
    • Китап тыңла!
    • Kazan Digital Week-2021 (1)