Сөй гомерне, сөй халыкны, сөй халыкның дөньясын!
  • Рус Тат
  • Реклама
    Яңалык/Эксклюзив
    • Яшь осталар көч сынашты «Үзегез сайлаган һөнәргә тулысынча бирелегез. Һәрчак камиллеккә барырга, үз эшеңдә иң яхшысына әйләнергә тырышырга кирәк»
      1890
      0
      6

    Тегүче егетләр булмау көн кадагындагы проблемасы

    25-22 апрель көннәрендә Казанда “Ворлдскиллс Русия” методикасы буенча Kazan Fashion Skills–2019 яшь дизайнерлар чемпионаты уза. Чараның оештыручылары – “Һөнәри компетенцияләрне үстерү үзәге» оешмасы, SERGINNETTI сәүдә маркасы, Казан технология һәм дизайн көллияте. Чемпионатта 18-35 яшьлек яшь дизайнерлар катнаша.

    Конкурс берничә этапта уза. 25 февральдән 25 мартка кадәр дәвам иткән гаризалар кабул итү этабында чарада катнашырга Русиянең 17 төбәгеннән 63 яшь белгеч теләк белдергән. Аларга “Осенний city-код” темасына 6 хатын-кыз образыннан торган коллекция иҗат итү биреме бирелгән. Жюри эшләре уңышлы дип тапкан 16 дизайнер ярымфиналга сайлап алынган. Алар арасында Казан, Киров, Воронеж, Волгоград, Якутск, Чиләбе дизайнерлары бар. Казаннан 10 кеше катнаша. Гариза җибәрүчеләр арасында исә 3 егет тә булган. “Ворлдскиллс Русия” хәрәкәтенең “Мода технологиясе” компетенциясе буенча сертификатлы эксперты Айрат Шәрәфиев әйтүенчә, хәзер ирләргә кием тегүче ирләр аз һәм бу актуаль проблемага әйләнгән. Тегүчеләр белән бер очтан яхшы ир-ат технологлары табу да авыр. Шуңа да әлеге чемпионатта егетләрнең катнашырга теләк белдерүе сөенечле хәл икән.

    Хәзер инде чемпионатның финалын көтәләр. Ул 20-22 апрель көннәрендә Казан технология һәм дизайн көллиятендә узачак. Мода өлкәсендә үзләрен судагы балык кебек хис иткән жюри әгъзалары катнашучыларның эшләрен “WorldSkills” методикасы буенча бәяләячәк. Җиңүчегә 100 мең сум күләмендә акча тапшырылачак һәм 1 ай SERGINNETTI сәүдә маркасының дизайнер бюросында стажировка узу мөмкинлеге бирелә. Икенче, өченче урын алучыларны да акчалата бүләк көтә.

    Гала-кичә 22 апрель көнне “Лучано” үзәгенең конференцияләр залында уза. Анда һәркем керә һәм яшь дизайнер иҗат иткән берсеннән-берсе модалы күлмәкләр белән таныша ала. Чакыру билетлары чараны оештыручыларда.

    Реклама

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Комментарии (0)
    Осталось символов:
    Реклама
    • "Платим налоги - создаем будущее сегодня! "
    • Kazan digital week
    • Потребуй чек! Проверь чек!
    • Милли китап һәм көйләр
    • Язылган өчен мотоблок, ТВ, планшет һәм башка бүләкләр от!
    • Өр-яңа акция!
    • Журналга онлайн язылу