Рамиля Уваева автор яңалыклары

Җомга. Кич. Шәһәрдән чыгу юлы. «Бөке». Биш көн буе өйдән – эшкә, эштән өйгә чабып арыган, шәһәр ыгы-зыгысыннан туйган авыл балалары туган якларына ашыга. Хәер, авылныкылар гына түгел, үзен шәһәр кешесе дип санаучылар да бар монда. Аларның бакча-дачаларга китеп барышы. Әнә шулай, атна ахыры җитүгә, безне җир үзенә тартып ала. Гүя бөтен шәһәр халкы беравыздан «авыл» дип сөйләнә башлый.