ХӘМДҮНӘ ТИМЕРГАЛИЕВА ТУРЫНДА ТАТАР ҖЫРЧЫЛАРЫ…

Динә Латыпова:
“Ююуукк… Ышанмыйм… Яшәргә тиеш син!!! Яшәргә...яшә..р..гә.. Әле, 9 сентябрьдә генә күрешеп, көлешеп,сөйләшеп (тордык)… Әй рәхәт тә кеше бит Сез Хәмдүнә апа!.. Иң көчле алкышлар - барысы да Синеке! Сезнеке! Гримеркадан чыгып киткәндә:
-Ярар, кызлар, исән-сау булыгыз! - дип гадәттәгечә сабуллаштың..
-Рәхмәт, Хәмдүнә апа…
Кем уйлаган соңгы сабуллашу дип?!
Бәгырь телем-телем кискәләнә, өзгәләнә...
Язмыш тагын ялгышты...”

Ләйсән Гыймаева:
“Ышанып булмый. Хәмдүнә апа... Әле 30нчы августта концертта очрашып, сөйләшеп утырган идек бит... «Син минем яшь чагыма охшагансың бит, апаем» дип кабатладың һәрвакыттагыча... Көзгегә карап көлешеп тә алдык. Син безгә сәхнә әниебез булдың. Мактап та, кисәтеп тә турысын әйтә идең, җырлар сайларга өйрәтә идең... Шундый рәхәт иде гримеркада, син булсаң... Тыныч йокла, ХӘМДҮНӘ АПА! Урының оҗмах турендә булсын!”

Элвин Грей (русчадан тәрҗемә):
“Мондый минутта дөрес сүзләрне табуы да кыен. Хәмдүнә апа бүген әйтелергә мөмкин булган сүзләрдән күбрәгенә лаек. Аның турындагы якты истәлекләр аның юмартлыгы һәм таланты кебек чиксез булачак. Ул безнең эстраданың намусы иде. Аның миңа булган ярдәмчел карашын гомерем буе саклармын. Якыннарының кайгысын уртаклашам!”

Мөнир Рахмаев (русчадан тәрҗемә):
“Син һәрвакыт минем күңелемдә булачаксың! Синең җырларың, шаяруларың һәркайда һәм һәркайчан хәтердә булыр. Сине югалтудан елыйм. Шундый көтелмәгән вакытта киттең… Бу турыда язу бик авыр. Син лаеклы гомер яшәдең. Син мәңге яшәячәксең!.. Яратам… Яткан җирләрең якты булсын!”

Фотосурәтләр һәм текстлар Инстаграм социаль челтәреннән алынды…