Коронавирустан күпкә куркынычрак вирус бар...

Коронавирустан күпкә куркынычрак вирус бар... Әмма бик азлар ул хакта уйлый...

Хәзер интернетка кереп булмый: соцчелтәрләр #коронавирус белән бәйле хәбәрләр, мемнар белән тулы, кешеләр куркуга төшкән, ил чикләре ябыла, кибетләрдә киштәләр бушый.

Паникага бирелеп без к-стан да куркынычрак әйберләр барлыгын истән чыгарабыз: хәзерге вакытта социаль "вирус"лар бар. Алар фонында к-с кешелек өчен фил эстендәге чебен кебек кенә.

К-с игътибарны барлык башка нәрсәләрдән читкә юнәлтүе дә факт! Халык дөньядагы вазгыятькә шатлана дигән хисем бар: к-с һәм карантин мөһим мәсьәләләрне чишмәү, үсеш алмау өчен менә дигән сылтау бит.

Мәктәп һәм офислар карантинга ябыла - өйдә утырырга, ял итәргә була. Нәкъ балачактагы кебек. Кайберәүләр апокалипсис турында сөйли. Моннан бер фикер туа: кешеләргә яшәү шулкадәр үк күңелсез мени?! Ә хәзер хәрәкәт, нидер булырга тора! Гаилә, эштәге проблемалар онытыла, конституция, доллар үсеше, экология һ.б., гомумән, арткы (соңгы) планга күчә.

Шунысы шаккатыра: без янгын, конституция һәм к-с темаларына җиңел генә биреләбез, ә медицина деградациясе, мәгариф системасы, чүп, экология проблемалары буенча берләшә һәм аларны чишә алмыйбыз.

Ә бит к-с иртәме-соңмы бетәчәк, карантин да озакка түгел, әмма югары санап үтелгән проблемалар кала бирә.

Нигә без бу нәрсәләргә игътибар итмибез? Мөгаен, аларның үлемгә китермәвендәдер, бик куркыныч булмавында.

Бәлкем безгә приоритетларны барларга һәм проблемалары чишә башларга вакыттыр инде? Әллә безгә эш итә башлау өчен зур масштаблы эпидемия, катастрофа кирәкме?

Исән калуын да исән калырбыз... Ә алга таба ничек яшәрбез соң?

Гөлүсә Шиһапова