Лас-Вегаста булган хәлләр Лас-Вегаста кала

Америка турындагы истәлекләремне барлыйм. Бүген эссе Лас-Вегас турында бәян итәрмен. Күпләр бу шәһәрдә булганны белгәч, казинолар турында сораштыра. Ярый, сөйлим...

Турның әйдаманы Лёша (абый димәскә кушты. Аның үзенә 40 ничәдер яшь) безгә "Лас-Вегаста булган хәлләр Лас-Вегаста кала" дип, төнге шәһәргә 13-14 студентны чыгарып җибәрде. Шәп башлам, дим эчтән генә... 

Ләкин группабыз шуның хәтле әйбәт булып чыкты, егет-кызлар (барысы да миннән кечерәк, әлбәттә) шундый яшьләр, әмма акыллы, үзфикерле. Аларның менә шундый булуына гашыйк булдым. Алардагы ирек шундый каты сизелә иде. Төнге шәһәрне карап чыктык, көндезгесеннән ул бера-а-аз гына һавалырак иде, рәхәт дип булмый, ләкин түзәрлек. Әйләндек, тулгандык та, бүленеп-аерылып бетеп отельгә кайтып яттык.

Шәһәр казино, уен автоматлары белән басып алынган булса да, төркемнән берсе бер сыңар долларын да анда тыкмады. Чөнки беребез дә ул акчаны җиңел генә алмадык, барыбыз да шул J1нар бит, эшләргә килгән студент халкы.

Шуңа күрә, Лас-Вегаста хәтта Лас-Вегаста гына калырлык та хәлләр булмады. Мин үз даирәмдә икәнемне аңладым...

Автор фотолары.