Яңа рубрика: Бүген ишеттем (Кунак: Алсу Сәлахова)

Алсу Сәлахова журналистикада КЕМ?

Без көн дәвамында бик күп акыллы фикерләр, тирән мәгънәле җырлар, шигырьләр ишетәбез. Әйе, ул сүзләр колакның бер ягыннан кереп, икенчесеннән чыгып баралар. Шуңа күрә бер тукталып үзебезгә сорау бирергә өйрәник әле: Бүген без нәрсә ишеттек? Бәлки ул көне буе борчып йөргән соравыбызга төгәл җаваптыр? 
Үзебезне тыңлау, башкаларның сүзләренә дә колак салырга этәрү максатыннан, “Идел” журналының ютуб каналында яңа видеолар урнаштырып барырга булдык. Аның #Бүгенишеттем дип аталуы да очраклы түгел. Әңгәмәгә килгән һәр кунак билгеле бер темага үзенең карашын белдерәчәк. Ә беренче чыгарылышыбызның махсус кунагы - яшь шагыйрә, бүгенге көндә үзен журналистика өлкәсендә сынаган Алсу Сәлахова. Без аның журналистикада тоткан урыны, кайбер ситуацияләргә карашлары турында белешербез. “Алсу ни өчен үзенең диалектыннан ояла?” “Дедлайн белән ничек көрәшә?” “Интервьюга озак әзерләнәме?” “Чит ил яшьләре бездән ни белән аерыла?” “Татар яшьләре газета-журнал укыймы?” һәм башка шундый сорауларга Алсу үзенчә җавап бирәчәк. 

Чыгарылышның төп үзенчәлеге - без кунак турында сөйләмибез, ә аның позициясен билгелибез.