Бу открыткалар хоккейга мәхәббәт уята

«Хатлар йорты» берләшмәсе «Ак Барс» хоккей клубына багышланган татар телендәге открыткаларның яңа коллекциясен тәкъдим итте.

Бу чыгарылыш «Ак Барс» хоккей клубының Гагарин Кубогы өчен көрәш башлавына багышланган.

Берләшмә җитәкчесе Энҗе Садыйкова Instagram социаль челтәрендәге үз сәхифәсендә шул хакта язган. «Әлеге коллекция хоккейны бөтенләй башка яктан — бөтен кешегә дә аңлаешлы татар сүзләре ярдәмендә ача», — диде ул.

«Әлеге котлаулар сезнең дусларыгыз, якыннарыгыз, туганнарыгыз һәм җанатарлар өчен искиткеч бүләк булачак!» — диде «Хатлар йорты» җитәкчесе.