КАЗАНГА КИЛГӘН ЧИТ ИЛ КЕШЕСЕНӘ ТАТАРЧА ҖЫР КУЙМАГАННАР

Казанны күрергә килгән иран кешесе таксида барган вакытта машина йөртүчесеннән татарча берәр җыр куюын сорый. Шул рәвешле кунакның республикабыз культурасы белән танышасы килә. Ләкин таксист әлеге үтенечне эшләүдән баш тарта…

Әлеге хәл чит ил кешесен аптырашта калдыра һәм ул бу хакта үзенең Фейсбук битендә язып чыга:
“Коронавирус булу сәбәпле, Казанда таксины еш кулланам. Таксистлар гомумән татар милли көйләрен тыңламый, машинада гел рус һәм инглиз җырлары гына яңгырый. Берьюлы татар җырын куюларын сораган идем, таксист андый җыр тыңламыйм, аны табуы бик авыр була ул, диде. Татарстанда шундый хәл булуы сәер түгелме?”

Чыганак: kazanfirst.ru