Тәмле аш рецепты

Язын хуш исле һәм җиңел ризыклар киңәш ителә. Шуңа күрә без сезгә яшелчә-үләннәрдән торган шулпа рецептын тәкъдим итәбез. Мондый җиңел һәм шул ук вакытта туклыклы ризык бик тиз әзерләнә һәм гаиләләрдә иң яраткан ризыкларының берсе булып тора.

• 1 л су
• 2 бәрәңге
• кузгалак
• 1 пучок (бәйләм) кычыткан
• 2 йомырка
• 50 гр ак май
• Тоз, борыч
• Каймак, яшел суган, укроп (теләк буенча)

Әзерләү:

Кайнап торган суга кечкенә шакмакларга киселгән бәрәңгене салырга. Кузгалак белән кычытканны кайнар су белән яхшы юарга, 3-5 минутка суда калдырып торырга. Аннары соң турап, бәрәңге янына башта кычыткан, 2-3 минуттан соң кузгалакны өстәп, кайнатырга.

Йомыркаларны аерым савытта болгатып, шулпага салырга. Шулай ук пешкән йомырканы турап салырга мөмкин.

Шулпага тоз, борыч салырга һәм бәрәңге әзер булганга кадәр пешерергә.

Тәмле булсын!