Тугыз яшьлек кыз үләр алдыннан видео яздырган

Әлеге видео инстаграм челтәрендә бик тиз таралды.

9 яшьлек кыз исерек күршесенең фатирга шакыганын видеога төшереп, Tik-Tokка керткән. Күп тә үтмәгән, күршесе кереп, кызны атып үтергән... Бу хәл 17 февральдә  Чита шәһәрендә була. 33 яшьлек ир-ат күршеләренә ачуы чыга һәм подъездга чыгып аларның фатир ишегенә мылтыктан ата, ядрә ишек аша узып, өйдәге кыз баланы яралый. Имгәнгән бала әтисе кулында җан бирә.

Кызның әтисе сүзләренә караганда, фатирда ремонт бара. Күршеләре алар белән тавышлашырга ара-тирә кергәләгән, ләкин өй хуҗасы аны чыгарып җибәргән.

Исерек күршесе, тавыш куптарып, ишек шакыган вакытта, кызы аңа ничек куркыныч булуы турында видео яздырган.