22 НОЯБРЬДӘН ЯҢА ЧИКЛӘҮЛӘР ГАМӘЛГӘ КЕРӘЧӘК

 Министрлар Кабинетының 208 нче номерлы карарына кертелгән үзгәрешләр нигезендә, республиканың җәмәгать транспортында пассажирлар өчен чикләү чаралары кертелә. Алар 22 ноябрьдән гамәлдә булачак. Тагын бер төркем чикләүләр дә була.

Татарстан халкы өчен

– 15 ноябрьдән театр, кинотеатр, цирк, концерт залларына 18 яшьтән өлкәнрәк тамашачылар бары тик QR-код күрсәткән очракта гына керә ала;

– 22 ноябрьдән башлап 18 яшьтән олырак кешеләргә җәмәгать транспортында, метро, шәһәрдәге җир өсте электр транспортында QR-код белән генә йөрү мөмкин;

– 22 ноябрьдән автовокзалларда, автостанцияләрдә шәһәр яны һәм муниципальара маршрутларга билет сату QR-код күрсәткән очракта гына башкарыла. Искәрмә булып 18 яшьтән яшьрәк һәм төбәкара пассажирлар тора.