3,4 МИЛЛИОН СУМЛЫК "ТӘМЛЕ КАЗАН"

«Тәмле Казан» гастрономия фестивален уздыруга Татарстан Республикасы башкаласы бюджетыннан 3,4 млн сум тотылачак.  Тендер дәүләт сатып алулары сайтында урнаштырылган.

Заказ бирүче - Казан туризмын үстерү комитеты. Техник биремдә күрсәтелгәнчә, фестивальдә дүрт тематик зона эшләячәк, анда «Милли зона», «Аш-су һәм эчемлекләр», «Стритфуд һәм "тәгәрмәчтәг" кухнялар», шулай ук мастер-класслар зонасы булачак - шәһәрнең 10 алдынгы шеф-повары һәм җәмәгать туклануы өлкәсендәге ассоциацияләре үз осталыкларын күрсәтәчәк.

Программада шулай ук милли тематикада һәм электрон музыка юнәлешләрендә артистлар чыгышы, диджейлар, эстрада жанры артистлары, кавер-төркемнәр катнашында шоу-программалар, шулай ук төрле конкурслар.

Чара 18-19 сентябрьгә планлаштырылган. 2020 елда фестивальне пандемия белән бәйле чикләүләр аркасында үткәрмәделәр. 2019 елда "Тәмле Казан"да 65 мең кунак булды. Рестораннар үз сыйларын һәм товарларын тәкъдим иткән павильоннар эшләде.