Акулалы суда исән калган

Австралиянең төньяк ярында акулалар һәм крокодиллар мыжлап торган суда тәүлектән артык яшәү өчен көрәшкән ир могҗиза белән исән калган. Ул диңгездә вакытта, көчле давыл күтәрелеп, аның көймәсе әйләнеп капланган булган. Әҗәле җитмәгәч, үзе бер агач кисәгенә ябышырга өлгергән. Бер тәүлектән соң аны гадәттән тыш хәл урыныннан ике чакрым ераклыкта табып алганнар.