«Апуш» балалар театр студиясе ачыла

Казан Мэриясе татар телендә өр–яңа «Апуш» балалар театр студиясе ача. Шул уңайдан мәктәп укучылары 26-27 февральдә узачак кастингка чакырыла. Әлеге студиядә киләчәк буын үзен шәхси, профессиональ һәм иҗади яктан үстерә алачак.

Төп үзенчәлек – студиягә йөрү бушлай. Аның барлык финанс, оештыру чыгымнарын Казан Мэриясе тулысы белән үз өстенә ала. “Апуш”та мөмкинлекләре чикле балалар да шөгыльләнә ала. Тамашачыларга беренче спектакльне күрсәтү 1нче июньгә планлаштырыла.