АТНАЛЫК ҺАВА ТОРЫШЫ: юлларда бозлавык көтелә

Синоптиклар фаразлавынча, бүген төнлә термометр баганасы минус 10 градуска кадәр төшәчәк.

4 гыйнвар кичендә һава торышы начараерга мөмкин. 

- Татарстан районнарында һәм Казанда урыны белән бозлавык, төнлә томан көтелә, - диелә хәбәрдә.

Шуңа бәйле рәвештә машина йөртүчеләргә юлларда сак һәм игътибарлы булырга киңәш ителә.

Атналык һава торышына килгәндә, республикада кар явачак. Көндез уртача температура -7 градус. Төнлә 10 градуска кадәр суыта, дип фаразлый синоптиклар.