Баулы халык театры «Идел-йорт» театр коллективлары фестиваленең гран-при иясе булды

Фестивальдә җиңгән спектакль Камал театры сәхнәсендә 11 декабрь көнне 18.30 сәгатьтә күрсәтеләчәк. 

«Идел-йорт» театр коллективлары регионара конкурсы финалистларының иң яхшы 12 спектакле 16 октябрьдән 21 ноябрьгә кадәр Ленин исемендәге мәдәният сараенда күрсәтелде. Аның нәтиҗәләре буенча 6 җиңүче билгеләнгән, дип хәбәр итә ТР Мәдәният министрлыгының матбугат хезмәте.

Фестивальнең финалистлары:

• Апас районы мәдәният йортының халык театры – «Борын-Борын заманда...», Әмир Камалиев;
• Балтач районы мәдәният йортының халык театры – «Беренче мәхәббәт», Илһам Гали;
• Тукай районы Күзкәй авылы мәдәният йорты – «Нур» халык театры – «Коткарыгыз, каравыл», Данил Салихов;
• Баулы районы мәдәният йортының халык театры – «Шулай булды шул», Туфан Миңнуллин;
• Актаныш районы Иске Сәфәр мәдәният йортының халык театры – «Нәзер», Туфан Миңнуллин;
• Азнакай районы мәдәният йортының халык театры – «Айгөл иле», Мостай Кәрим;
• Арча районы Иске Ашыт мәдәният йортының халык театры – «Китмәгез, торналар», Таңчулпан Гарипова;
• Биектау районы Ямаширмә мәдәният йортының халык театры – «Әлепле артистлары», Әмир Камалиев;
• Нурлат районы «Нур» таатр мәдәнияте үзәгенең «Мирас» халык театры – «Адашкан язмышлар», Эльмира Ибраһимова;
• Спас районы мәдәният йортының «Арлекин» халык театры – «Морозко», рус халык әкияте;
• Балык Бистәсе районы мәдәният йортының халык театры – «Тормыш җыры», Мирсәй Әмир;
• Питрәч районы мәдәният йортының «Балкыш» халык театры – «Кайнар токмач», Раилә Мөхсинова.