Белем бирү стандартларына үзгәрешләр кертелде

Башлангыч һәм төп гомуми белем бирүнең федераль дәүләт белем бирү стандартларына үзгәрешләр үз көченә керде. Аның үзенчәлекләре хакында ТР Мәгариф һәм министрлыгы хәбәр итә. Россия Мәгариф министрлыгы боерыклары белән укучыларны төркемнәргә бүлү тәртибе, укучыларны басма дәреслекләр белән тәэмин итүне оештыру һәм уку дисциплиналары буенча предмет нәтиҗәләре аныклана.

Кабул ителгән үзгәрешләр нәтиҗәсендә укучыларның туган телләрне (РФ халыклары телләре) өйрәнгәндә төркемнәргә бүленү, шулай ук аерым уку предметларын тирәнтен өйрәнү мөмкинлегенә төгәллек кертелгән. Максималь аудитория йөкләнешенә карата таләпләр арта. Өстәмә уку сәгатьләре белем бирү оешмалары туган телне, шулай ук Россия халыкларының һәм башка уку предметларының рухи-әхлакый мәдәнияте нигезләрен өйрәнүгә юнәлтә алачак.

Документта дәүләт йомгаклау аттестациясе имтиханнары исемлегенә кергән барлык дисциплиналар буенча балаларга басма дәреслек бирелергә тиешлеге аныклана. Шул ук вакытта мәктәпләр электрон дәреслекне башка фәннәр буенча файдалану хокукын ала.

Федераль дәүләт белем бирү стандартларына башка үзгәрешләр 2023 елдан «Россия халыкларының рухи-әхлакый мәдәнияте нигезләре» уку предметын кертү белән бәйле. Ул 5 нче сыйныфтан башлап әкренләп программаларга кертеләчәк. Үзгәрешләр турында тулырак мәгъләмат Россия Мәгариф министрлыгы сайтында урнаштырылган (2022 елның 18 июлендәге 568 һәм № 569 боерыклары).

Чыганак: ТР Мәгариф һәм фән министрлыгы