Бу кадәр ялны күргән юк иде...

Май бәйрәмнәрендә Россия халкын озын яллар көтә. Бу турыда РИА Новости агентлыгына сылтама белән "Татар-информ" хәбәр итә.

Апрель азагындагы соңгы эш атнасы ике көнлек - 29, 30 апрельдә генә эш көне булачак. 30 апрельдә эш көне бер сәгатькә кыска булачак.

1 майдан 5 майга кадәр Яз һәм Хезмәт бәйрәме уңаеннан ял көннәре игълан ителә. 9 майдан 12 майга кадәр Җиңү бәйрәме хөрмәтенә ял көннәре була.

Бәйрәм яллары озын булсын өчен, 5, 6 гыйнвардан, 23 февральдән ял көннәре майга күчерелде.