Бушлай инглиз теле дәресләре узачак

Казанның «Черек күл» паркында инглиз теле буенча ачык курслар узачак.

Беренче дәрес 30 нчы июньдә 18:30 сәгатьтә булачак, ә калганнары – 7 нче, 17 нче һәм 28 нче июльдә, дип хәбәр итә Казанның парклар һәм скверлар дирекциясе.

Дәресләр парк амфитеатрында узачак, яңгырлы һава торышы вакытында – җәйге йортның беренче катында. Дәресләрдә катнашу өчен теркәлү узарга кирәк. Сылтама буенча язылырга, шулай ук җәдвәл һәм башка файдалы мәгълүматны белергә мөмкин.