Быел 200 мең укучы туган як буйлап бушлай сәяхәткә барачак

Россия хөкүмәте «Туризм һәм кунакчыллык индустриясе» илкүләм проекты кысаларында мәктәп сәфәрләре программасына 1 млрд сум бүлеп бирәчәк. Бу хакта утырышта Россия Федерациясе Хөкүмәте Рәисе Михаил Мишустин хәбәр итте.

Россия Премьер-министры искәрткәнчә, мәктәп укучылары өчен туристик программа узган ел эшли башлаган. Анда 18 регион катнашты, ә хәзер тагын 11 регион кушылды. Бу турыда Татарстан Мәгариф һәм фән министрлыгы хәбәр итте.

Программа кысаларында балаларга күчеп йөргәндә уңайлы булсын өчен, кыска сәфәрләр күздә тотыла. Маршрут сайлаганнан соң, экскурсияләр һәм кунакханәләр, балалар һәм ата-аналар программада катнашуга гариза бирә ала. Аның үзенчәлекләрен төбәкләр мөстәкыйль билгели.

2022 елда программаны тормышка ашыруга 500 млн сум бүленгән иде, анда 100 мең мәктәп укучысы катнашты, диелә хәбәрдә.

Чыганак: Татар-информ