БӘЙРӘМ КӨННӘРЕНДӘ КАЗАНДА ПАРКОВКАЛАР БУШЛАЙ

Казанда 2022 елда муниципаль парковкаларның түләүсез эшли торган көннәре мәгълүм булды. 

Транспорт чараларын парковка урыннарында калдырган өчен машина йөртүчеләрдән түләү бәйрәм көннәрендә һәм бәйрәмнәрне күчерү белән бәйле ял көннәрендә алынмаячак.

 1-нче гыйнварда, 3-нче гыйнвардан 8-нче гыйнварга кадәр, 23-нче февральдә, 7-нче һәм 8-нче мартта, 2-нче, 3-нче, 9-нчы һәм 10-нчы майда, 13-нче июньдә, 30-нчы августта, 4-нче ноябрьдә, шулай ук ай календаре һәм традицияләр нигезендә Ураза бәйрәменә һәм Корбан бәйрәменә туры килгән көннәрдә автомобиль хуҗалары муниципаль парковкаларда бушлай калдыра алачак. 

Шунысын да искә төшерәбез, җәмәгать транспорты Яңа ел каникулларында ял көннәре графигы буенча эшләячәк.