“ЭКОлидер-2022” буласың килсә...

«ЭКОлидер-2022» республика конкурсына гаризалар кабул итү кампаниясе дәвам итә. Ул 15 ноябрьгә кадәр дәвам итәчәк.

Конкурсны ТР Экология һәм табигый ресурслар министрлыгы әйләнә-тирәлекне саклау, җәмәгатьчелек игътибарын экологик куркынычсызлык проблемаларына җәлеп итү, шулай ук предприятиеләрнең табигатьне саклау эшчәнлеген хуплау максатыннан оештыра. Бәйгегә индивидуаль эшкуарлар, оешмалар, җирле үзидарә органнары, иҗтимагый берләшмәләр, белем бирү йортлары, гражданнар һәм массакүләм мәгълүмат чаралары җәлеп ителә.

Быел "Педагогик тәҗрибә һәм инновацияләр" һәм "Дәүләт контроле" төркемнәренә яңа номинацияләр өстәлгән. Номинацияләрнең тулы исемлеге белән министрлык сайтында урнаштырылган.

Чыганак: Татар-информ, ТР Экология һәм табигый ресурслар министрлыгы