"ЕЛ СТУДЕНТЫ" МИЛЛИ ПРЕМИЯСЕНЕҢ ҖИҢҮЧЕСЕ - КАЗАН ЕГЕТЕ

Мәскәүдә «Ел студенты – 2021» Россия милли премиясенә йомгак ясадылар. Татарстан югары уку йортлары укучылары исәбендә 7 бүләк, аерым алганда, КФУ студенты Денис Давыдов абсолют җиңүче һәм гран-при иясе булды.

«Ел студенты – 2021» премиясе – Россия яшьләр берлеге һәм «Россия – мөмкинлекләр иле» президент платформасының уртак проекты. Премия Россия Мәгариф һәм фән министрлыгы ярдәме белән «Мәгариф» милли проектының «Һәркем өчен социаль лифтлар» федераль проекты кысаларында узды һәм «Фән һәм технологияләр елы»ның рәсми чарасы булды.

Конкурста 75 төбәктән 8000 студент катнашты, финалга Россиянең 71 субъектыннан 600 кеше чыккан. Барлыгы Татарстан исәбендә – 7 бүләк. Бүләкләр саны буенча икенче урында – 6 приз иясе Мәскәү, өченче урында – 5 призга ия булган Ростов өлкәсе. Бүләкләр Россиянең 19 төбәгеннән килгән студентларга бирелгән.

КФУның Халыкара мөнәсәбәтләр институты студенты Денис Давыдов абсолют җиңүче һәм гран-прига ия булган. «Ел җәмәгатьчесе» номинациясендә КФУдан Алия Кыямова лауреат булган. «Ел укучылары советы рәисе» номинациясендә җиңүчене  Россия дәүләт гадел хөкем университеты Казан филиалының студенты Никита Лобанов яулаган. «Елның иҗади шәхесе» титулын Казан милли тикшеренү технология университеты студенты Камилла Прахова алган. 

«КФУ – яхшы кешеләр планетасы» үзиреклелек үзәге «Елның ирекле берләшмәсе» номинациясендә лауреат булды, КФУның Студентларның башлангыч профсоюз оешмасы юридик үзәге – «Елның юридик берләшмәсе» номинациясендә, «ТИСБИ» Идарә университетының «Легион» хәрби-патриотик оешмасы – «Елның патриотлык берләшмәсе» номинациясендә җиңүче булган.

Премия лауреатларының тулы исемлеге.

Чыганак: Казан мэриясенең рәсми сайты