Февральдә күбрәк ял итәчәкбез

Февральдә россиялеләрне Ватанны саклаучылар көнен бәйрәм итү уңаеннан, кыска эш атнасы һәм озын ял көннәре көтә.

«Февраль аенда илебез Ватанны саклаучылар көнен — 23 февральне билгеләп үтә, ул пәнҗешәмбегә туры килә һәм ял көне булачак. 1 гыйнвардан 24 февраль, җомгага ял көнен күчерү гражданнарга биш көнлек эш атнасында 23-26 февральдә ял итәргә мөмкинлек бирәчәк», — диелә Роструд хәбәрендә.

22 февральдә эш көне бер сәгатькә кыскартылачак, чөнки ул бәйрәм алды көне булып санала.