Февральдә россиялеләр банклардан рекордлы суммада акчаларын кире алган

Февральдә Россия банкларында халык акчалары 1,2 трлн сумга, яки 3,5% ка кимегән, бу 2008 елдан рекордлы сумма булып тора. Бу хакта РБК Үзәк Банкның банк секторын үстерү турындагы күзәтүенә сылтама белән хәбәр итә.

Үзәк банк статистикасы буенча, абсолют чагылышта бу банк кертемнәренең ким дигәндә 2008 елдан бирле иң зур кимү күрсәткече.  Россиялеләрнең банклардагы акча күләме 2008 елда гына, дөнья кризисының иң югары ноктасында гына азайган. Билгеләп үтелгәнчә, ул вакытта Россия гражданнары банкта 354 млрд сум, яки 6% акчаларын алган.