Гомумшәһәр өмәсендә Казанда 17 мең кубометрга якын чүп-чар җыелды

Гомумшәһәр өмәсендә Казанда 17 мең кубометрга якын чүп-чар җыелган, үзбушаткычлар калдыкларны чыгару буенча 1 мең 200 рейс башкарган. Бу хакта бүгенге эшлекле дүшәмбе вакытында шәһәр Мэры Илсур Метшин хәбәр итте.

«Казанның бу ялларда ничек үзгәрүен һәрбарчабыз да сизгәндер. Әлбәттә, игътибар итәргә кирәк булган участоклар да бар, шул исәптән кар эреп бетмәгән урыннар да», - дип билгеләде шәһәр башлыгы.

Шәһәр башлыгы территорияләрне санитар чистарту һәм төзекләндерү икеайлыгы кысаларында барлык эшләрне дә вакытында тәмамларга һәм шәһәрне май бәйрәмнәренә чистартып бетерергә кирәклеген ассызыклады.

Исегезгә төшерәбез, Казанның гомумшәһәр өмәсендә 60 меңгә якын кеше, 1030 га якын предприятие һәм оешма хезмәткәрләре катнашты. Эшләргә 400 берәмлек техника җәлеп ителгән. Өмәгә район администрацияләре, идарәче компанияләр, мәгариф, спорт һәм мәдәният учреждениеләре коллективлары, шулай ук мәктәп укучылары һәм студентлар чыкты.

Чыганак: kzn.ru