Идел-Урал зыялылары турында яңа китап

Тиздән Төркиядә якташыбыз, филолог, тәрҗемәче Роза Корбанның "Идел-Урал зыялылары-I" исемле китабы дөнья күрәчәк. Яңа басма Атайурт нәшриятында басыла.

 Ә 17 декабрьдә Төркиянең Самсун шәһәрендә автограф көне оештырыла. Бу чарада нәшриятта китаплары чыкканашачак. Роза Корбанның китабында 20 татар зыялысы; галимнәр,  шагыйрьләр, язучылар турында әтрафлы мәгълүмат бирелә. Татар тарихына, мәдәниятына нисбәтле шәхесләрнең фоотолары китап тышлыгында да урын ала. Биредә без К. Насыйри , Дәрдмәнд,  Х. Туфан, Г. Саттаров , А. Гыйләҗев, Ф. Яруллин, А. Тимергалин, Ф. Бурнаш, М. Мәһдиев һ.б белән таныша алабыз.

Роза ханым Корбан хәбәр иткәнчә, әлеге хезмәтнең максаты Идел-Урал зыялыларын Төркиядә киң катлам җәмәгатьчелеккә таныту. Китап 330 биттән гыйбарәт. Киләчәктә бу сериядән 2 нче, 3 нче басмалар да нәшер ителәчәк.