«Иделем акчарлагы» бәйгесенең җиңүчеләрен бүләкләделәр

Быел бәйгедә барлыгы 68 кеше катнашкан, аларның 25е жюри тарафыннан югары дип бәяләнгән. Алар 1-3 декабрьдә "Волга" яшьләр үзәгендә узган иҗади мәктәптә катнашты.

«Иделем акчарлагы» яшь язучылар бәйгесе Татарстан Республикасы Яшьләр эшләре министрлыгы, Татар федераль милли-мәдәни автономиясе һәм «Идел» яшьләр үзәге тарафыннан уздырыла. Төп максаты: татар телендә иҗат итүче яшь язучылар, шагыйрьләр, драматургларны барлау, аларны берләштерү һәм иҗатларын активлаштыру.

Бәйгегә килгән эшләргә шагыйрьләр, прозаиклар, драматурглардан торган мәртәбәле жюри бәя бирә, җиңүчеләрне билгели. Иҗади мәктәптә язучы-шагыйрьләр белән очрашулар уза; жюри әгъзалары тарафыннан мастер-класслар, катнашучыларның әсәрләрен анализлау оештырыла.

Быелгы «Иделем акчарлагы» бәйгесенең җиңүчеләре:

«Поэзия» номинациясе:

Гран-при – Гөлзилә Фәхретдинова (Балтач районы)

14 яшьтән алып 17 яшькә кадәрге авторлар:

1 урын – Рәйсә Абдуллина (Балтач районы)

2 урын – Алинә Шәехова (Актаныш районы)

3 урын – Ильсур Мифтахов (Әлмәт районы)

18 яшьтән алып 30 яшькә кадәрге авторлар:

1 урын – Адилә Әхмәтҗанова (Арча районы)

2 урын – Айрат Шамс (Мөслим районы)

3 урын – Альбина Саетова (Актаныш районы)

3 урын – Айзат Вахитов (Саба районы)

Кызыксындыру бүләге – Ильяс Хаҗиев (Кукмара районы)

«Проза» номинациясе:

14 яшьтән алып 17 яшькә кадәрге авторлар:

1 урын – Әмир Фәрхуллин (Мамадыш районы)

2 урын – Зилә Гайнуллина (Алабуга районы)

3 урын – Ләйлә Нуриева (Актаныш)

18 яшьтән алып 30 яшькә кадәрге авторлар:

1 урын – Гөлфия Галәветдинова (Арча районы)

2 урын – Ихтыяр Кыямов (Казан)

3 урын – Айлия Хаҗиева (Саба районы)

«Балалар әдәбияты» номинациясе:

1 урын – Исламия Халикова (Лаеш районы)

2 урын – Таңчулпан Гыйлаҗова (Теләче районы)

3 урын – Ләйсән Абдрахманова (Кайбыч районы)

Кызыксындыру бүләге – Айзилә Абдрахманова (Кайбыч районы)

«Драма» номинациясе:

2 урын – Айрат Шамс (Мөслим районы)

3 урын – Ралина Хәбирова (Әгерҗе районы)

фото: Абдул Фархан