«iВолга» яшьләрне көтә!

«iВолга» Идел буе федераль округының Яшьләр форумына теркәлү бара. Быел ул 21 июльдән 29 июль көннәрендә Самара өлкәсенең Мастрюков күлләренең Фестиваль паркында узачак. Формумда катнашырга 18-35 яшь аралыгындагы РФ гражданнары чакырыла.

Форумның быелгы тематикасы - «Россия халыклары бердәмлеге». Программада тренинг дәресләре, яшьләр проектлары конкурсы, фәнни һәм гамәли конференцияләр, мастер-класслар, төрле юнәлешләр буенча регионара югары уку йортлары арасында ачык ярышлар, күргәзмәләр, инициативалар ярминкәләре, федераль, округ һәм төбәк дәрәҗәләре экспертлары белән очрашулар, дискуссияләр, шулай ук мәдәни-ял итү, спорт һәм туристлык-туган якны өйрәнү чаралары каралган.

«iВолга» форумында катнашу өчен, 2022 елның 26 маена кадәр «Росмолодежь.События» платформасында, шулай ук ivolgaforum.ru Форумының рәсми сайтында теркәлү узарга кирәк.

Чыганак: ТР Мәгариф һәм фән министрлыгы