«Казан Кремле» музей-тыюлыгында лекцияләр өчен темалар тәкъдим итәргә мөмкин

«Казан Кремле» музей-тыюлыгы сораштыру башлап җибәрде, аның барышында һәр теләгән кеше 2023 елда уздырылачак лекцияләр өчен темалар белән уртаклаша ала.

Шәһәрлеләр очрашулар өчен темалар, шулай ук алар ишетергә теләгән спикерлар һәм лекцияләр өчен уңайлы вакыт тәкъдим итә алалар. Теләкләр сылтама буенча кабул ителә, дип хәбәр итә музей-тыюлыкның матбугат хезмәте.

Исегезгә төшерәбез, быел төрле урыннарда Казан Кремле турында бушлай лекцияләр циклы узды. Очрашуларда халык музей-тыюлык тарихы һәм архитектура
һәйкәлләре турында белде. Спикерлар тыңлаучыларга Спас манарасы, «Эрмитаж-Казан» үзәгенең музей сәхнәсе, инклюзив практикалары турында сөйләделәр.

Чыганак: kzn.ru