Казанның 175 нче гимназиясендә атыш оештырган Илназ Галәвиев камерада кем белән утыра?

Казанның 175нче гимназиясендә җиде баланы һәм ике хезмәткәрне атып үтергән Илназ Галәвиев җинаятькә баруының сәбәбен аңлаткан. Аның әйтүенчә, бу нәфрәт, дип яза RT.

– Мин бөтен дөньясын күрәлмый башладым, шуңа күрә дә атарга булдым, – дигән ул Мәскәүнең Иҗтимагый күзәтчелек советы (ОНК) әгъзасына.
Шулай ук, хокук сакчысы сүзләренә караганда, Галәвиев суд-психиатрия экспертизасы нәтиҗәләре белән таныш түгел, әмма үзен, сәламәт, дип саный.

– Бәлки һөҗүм вакытында үз-үземне белештермәгәнмендер, әмма хәзер мин барысын да аңлыйм һәм гаебене таныйм, – дигән үтерүче.
Галәвиев ОНК әгъзасына якыннарыннан күптәннән хат алмаганлыгына зарланган. Ул шулай ук әти-әнисе белән күрешергә теләвен, моңа рөхсәт бирәчәкләренә өметләнүен әйткән.

Хокук сакчысы сүзләренә караганда, җинаятьче өч кешелек камерада утыра. Камерадашлары белән – нормаль мөнәсәбәттә. Шуларның берсе – электричкаларда кешеләрне агулап йөргән Михаил Любезнов. Тверь өлкәсендә туып үскән бу адәм Ленинград юнәлешендәге электр поездларында пассажирлар белән танышып, аларның эчемлегенә клофелин салган. Шул рәвешле 9лап кешенең гомерен өзгән.

Чыганак: Ватаным Татарстан