Казанның җәмәгать киңлекләрендә җәен «Мәдәни мохит» проекты яңадан эшли башлаячак

Казанның җәмәгать киңлекләрендә җәй көне «Мәдәни мохит» проекты чаралары яңартыла. Алар «Черек күл» паркында һәм «Әкият» курчак театры янында узачак. Шәһәр халкы һәм кунаклары өчен музыкаль кичәләр, лекцияләр, мастер-класслар һәм шәһәр коллективлары һәм чакырылган спикерлар катнашында фестивальләр оештырыла.

Проект июнь аенда старт ала. Җәйнең беренче аенда шәһәрнең җәмәгать киңлекләрендә джаз һәм рок-кичәләр узачак, июль аенда – гаилә һәм бию фестивальләре, ә август аенда джинс мәдәнияте фестивале һәм Казан сәнгате белгечләре һәм тарихчыларыннан лекцияләр циклы үткәрелә.

«Без мәдәният учреждениеләрендә дә, саф һавада җәмәгать киңлекләрендә дә чараларны төрлеләндерергә тырышачакбыз», - дип ышандырды Казанның Мәдәният идарәсе башлыгы Азат Абзалов шәһәр Башкарма комитетында узган эшлекле дүшәмбе вакытында.