«Хәзинә» галереясында татар рәссамы Рөстәм Килдебәковның картиналар күргәзмәсе ачыла

Бүген Татарстан Республикасы Дәүләт сынлы сәнгать музееның «Хәзинә» милли сәнгать галереясында татар рәссамы Рөстәм Килдебәковның «Төс формуласы» күргәзмәсе ачыла.

Казанлыларга һәм ТР башкаласы кунакларына Татарстан Республикасы сынлы сәнгать музее тупланмасыннан һәм шәхси коллекцияләрдән беренче эшләр белән тулыландырылган 1960-1990 еллардагы рәссам остаханәсеннән моңа кадәр күрсәтелмәгән 150 дән артык рәсем сәнгате әсәре һәм график әсәр тәкъдим итәчәкләр.

«Төс формуласы» «Казан авангарды: икенче дулкын» циклын дәвам итә һәм бүгенге заманның иң күренекле татар рәссамнарының берсенең иҗатын тәкъдим итә. 29 нчы мартта остага 89 яшь тула. Аның эшләре инде 60 елдан артык тамашачыларны сөендерә. 

Күргәзмә 16:00 сәгатьтә ачылачак һәм 3 нче апрельгә кадәр дәвам итәчәк. Ачылуга керү ирекле, дип хәбәр итә Татарстан Республикасы Дәүләт сынлы сәнгать музее матбугат хезмәте. 

Чыганак: kzn.ru