Киләсе атнада 25 градуска кадәр җылыта

Татарстанда ниһаять җылыта. Һава температурасы ай буе нормадан 6–9 градуска түбәнрәк торды. Шуңа барыбыз да җылыны инде күптән көтә.

Татарстан Гидрометеорология үзәгеннән хәбәр ителгәнчә, ял көннәрендә – 28 һәм 29 майда яңгырлы һава торышы сакланачак. Кайбер районнарда секундына 15–20 метр тизлектә көчле җил һәм яшен көтелә. Көндез +16…+22 градус, төнлә +6…+12 градус булачак. Киләсе атна башында – 30 һәм 31 майда, антициклон үтеп керү һәм атмосфера басымы үсү сәбәпле, явым-төшем туктар, температура күтәрелер дип фаразлана: көндез +19…+25, төнлә +7…+13 градус җылы көтелә.