Киләсе атнада татарстанлыларны өстәмә ял көтә

Россия Федерациясе Хезмәт кодексының 112 нче маддәсе нигезендә, 12 нче июнь – Россия көне – эшләми торган бәйрәм көн булып санала.  Республика халкы 11-13 нче июнь көннәрендә ял итәчәк.

Ял һәм эшләми торган бәйрәм көннәре туры килгән очракта, ял көне бәйрәмнән соң икенче көнгә күчерелә, дип хәбәр итә ТР Хезмәт, мәшгульлек һәм социаль яклау министрлыгы матбугат хезмәте. Быел 12 нче июнь якшәмбегә туры килә, шуңа күрә ял көне 13 нче июньгә – дүшәмбе көнгә күчерелә. Шулай итеп, 11-13 нче июнь ял көннәре булып тора.