КИНОГА БАГЫШЛАНГАН МАРАФОН

8-нче ноябрьдән 10-нчы декабрьгә кадәр Россиядә ел саен үткәрелә торган «Мәдәни марафон» акциясе узачак. Анда укытучылар, мәктәп укучылары һәм аларның әти-әниләре катнаша ала. Алар онлайн-тест узачак һәм кинематограф сәнгате белән якыннанрак танышачак. 

Быел акция беренче киносеанс үткәрелүнең 125 ел тулуына багышланган. Төрле яшь категорияләре өчен җайлаштырылган интерактив биремнәр акциядә катнашучыларга кино дөньясын, тамашачыларның эмоцияләре белән идарә итү һәм төрле алымнар куллану өлешендә режиссерларның эшен аңларга ярдәм итәчәк. Моннан тыш, проект кысаларында катнашучылар Россия киноиндустриясе профессионаллары белән очраша, үз мәктәпләрендә киноклуб оештыра һәм үзләрен мини-фильмнар булдыруда сынап карый алачак. 

Катнашу өчен  сылтама буенча  теркәлергә кирәк. Акция нәтиҗәләре буенча җиңүчеләрне сайлап алачаклар – 100 укытучы һәм 500 укучы призлар алачак, дип хәбәр итә ТР Яшьләр эшләре, спорт һәм туризм министрлыгының Матбугат хезмәте.  Исегезгә төшерәбез, «Мәдәни марафон» «Мәктәп укучылары өчен мәдәният» проекты кысаларында үткәрелә. Беренче тапкыр ул 2019 елда узды һәм заманча мәдәният дөньясына багышланды. Проектта 590 мең укучы һәм 8 меңнән артык укытучы катнашты.

Чыганак: kzn.ru