КОРОНАВИРУС: 14 кеше – Казанда, 5 кеше – Саба районында...

Татарстанда соңгы тәүлек эчендә коронавирус авыруының 25 яңа очрагы теркәлгән, барысы элемтә аша күчкән. Авыручыларның 8-е хастаханәгә озатылган, 17се өйдә дәвалана.

Авыручылар арасында 30 яшьтән 50 яшькә кадәр - 6 кеше, 50 яшьтән 60 яшькә кадәр - 12 кеше, 60 яшьтән 70 яшькә кадәр- - 6 кеше, 70 яшьтән 80 яшькә кадәр - бер кеше.

14 кеше – Казанда, 5 кеше – Саба районында, 2 кеше – Югары Ослан районында, берәр кеше – Арча, Буа, Яшел Үзән һәм Сарман районнарында.

Федераль оператив штаб мәгълүматы буенча, Россиядә узган тәүлектә коронавирус белән авыруның 5195 яңа очрагы теркәлгән. Барлыгы илдә 1 млн 25 мең 505 кеше авырган, 840 мең 949 кеше савыккан, 17 мең 820 кеше үлгән.