Май бәйрәмнәрендә һава торышы ничек булачак?

Үткән ялларда һава температурасы +29 градуска кадәр күтәрелеп алды. Бу әлеге ай өчен яңа рекорд: 1920 елдагы абсолют максимум +26,7 градус тәшкил иткән. 

Киләсе ялларда исә, синоптиклар әйтүенә караганда, табигать тынычланып һава температурасы стабиль +18-19 градус булыр. 

Пәнҗешәмбе һәм җомга көннәрендә, 4 нче һәм 5 нче майда, республикада урыны белән яңгыр явачак. Төнлә һава температурасы +6 дан +12 градуска кадәр, көндезге сәгатьләрдә +20-26 градуска кадәр тәшкил итәчәк. 

Татарстанлыларны шимбә, 6 нчы майда да яңгырлар көтә. Көндез һава +17-22 градуска кадәр җылыначак.

Бу көннәрдә актив магнит бураннары да күзәтелә. Үзегезне һәм якыннарыгызны саклагыз!