Милли китапханәдә Рөстәм хәзрәт Хәйруллинның «Гаилә дәресләре» китабы тәкъдим ителәчәк

10 ноябрьдә Татарстан Республикасы Милли китапханәсендә «Гаилә» мәчете имам-хатыйбы Рөстәм хәзрәт Хәйруллинның рус телендә басылып чыккан «Уроки семьи» китабын укучыларга тәкъдим итү чарасы узачак. 

Әлеге чарада китап авторына сораулар да бирү мөмкин булачак. Укучыларга бүләк итеп китап уйнатылачак. Чарага барлык теләүчеләр чакырыла, ләкин алдан теркәлү узарга кирәк.

2013нче елдан башлап «Гаилә» мәчетендә Рөстәм хәзрәт гаилә институтын саклау буенча дәресләр үткәрә. Бу дәресләр китапның нигезен тәшкил итә.