Милли музейда Бүләк итү көннәре: һәркем республика тарихы һәм мәдәниятен саклауга өлеш кертә ала

3 һәм 4 апрельдә Татарстанның Милли музеенда Бүләк итү көннәре уза. Ел саен үткәрелә торган бу акция музейның туган көненә багышлана. Исегезгә төшерәбез: республиканың баш музее 1895 елның 5 апрелендә ачылган.

Акциядә сез музейга мөһим предметны яки тулы бер коллекцияне бүләк итә аласыз. Һәрбер бүләк - республика тарихы һәм мәдәниятен саклауга әһәмиятле өлеш. Предметларны кабул итү документлар ярдәмендә теркәлә, шуңа күрә үзегез белән паспорт алырга кирәк. Предметның тарихын да белсәгез, тагын да шәбрәк: кайчак әйбернең килеп чыгу тарихы үзе үк кыйммәтле чыганак була ала.