МИНЗӘЛӘ ЕГЕТЕ НТВ ТАПШЫРУЫНЫҢ ФИНАЛЫНА УЗДЫ

15 яшьлек Минзәлә егете НТВ тапшыруында бара торган “Ты супер” тапшыруының финалына узды.
 
Җырчы Данила Новиков Дима Биланның “Держи!” җырын башкарды.
Елка белән Диана Арбенина Даниланың җырлавына түзә алмый биеп тә тордылар. Ахырдан егет әлеге җырын тагын бер тапкыр җырлады. Арбенина үзенең шушы Минзәлә егетенең фанаты булуын да әйтеп узды.
- Энергияң белән шундый юмарт бүлешәсең. Рәхмәт сиңа бик зур! Концерттан минем нәкъ менә шундый эмоция белән кайтасым килә. Һәм мине тыңлаучылар да концертларымнан хәзерге вакытта миндә булган эмоцияләр белән кайтсыннар иде, - диде җырчы Елка.

Минзәлә егете әбисе белән бергә яши. Әнисе авариядә һәлак була, ә әтисе улы белән күрешми башлый. Даниланың киләчәктә баеп, әбисенә машина алып бирәсе килә…