МУЗЫКАЛЬ ПӘНҖЕШӘМБЕ КУНАГЫ НИНА ВАРШАВСКАЯ

Бүген Татарстан Республикасы Милли музеенда «Музыкаль пәнҗешәмбе» циклы уңаеннан Татарстан Республикасының атказанган артисты, Н.Җиһанов исемендәге Казан дәүләт консерваториясе профессоры Нина Варшавская һәм аның укучылары белән иҗади очрашу узачак.

Нина Варшавская Казан консерваториясен тәмамлаган, биредә  үзе 1983 елдан бирле эшли. Махсус класслар алып бара,  җыр,  вокал сәнгате тарихы курслары, вокал методикасы нигезләре укыта. 1994 елдан доцент, 2009 елдан – профессор. Казан консерваториясендә педагогик эшчәнлек елларында Нина Петровна Варшавская 40тан артык яшь белгеч әзерләгән. Алар арасында-30 дан артык республика, бөтенроссия һәм халыкара конкурслар лауреаты бар.

Музейда узачак кичәнең программасында илебез һәм чит ил композиторларының классик вокал музыкасы яңгыраячак. Чара Татарстан Милли музеенда 16:00 сәгатьтә башлана.