«Һөнәр» XIV Бөтенроссия яшь режиссура фестивале өчен Кариев театры

Быел «Һөнәр» XIV Бөтенроссия яшь режиссура фестивале Казанда 5-10 декабрь көннәрендә узачак.

Татарстан һәм Россия төбәкләре театрлары татар һәм рус телләрендә 15тән күбрәк спектакль күрсәтәчәк. Танылган театр тәнкыйтьчеләре белән иҗади очрашулар, кызыклы һәм файдалы белем бирү программасы һәм яңа эмоцияләр, танышулар, онытылмаслык мизгелләр көтелә.

Фестиваль кысаларында ике премьера көтелә, аның берсен Кариев театры әзерли.

Фестивальнең максаты — яшь режиссерларга профессиональ мохит тудыру, аларның иҗатын киң катлам тамашачыга җиткерү, театрлар белән хезмәттәшлек итәргә ярдәм итү.

Фестивальне оештыручылар — ТР Мәдәният министрлыгы, Кариев театры.