Россия галимнәре коронавирусның барлык төрләренә каршы вакцина эшли

Федераль медицина-биология агентлыгы коронавирусның барлык төрләреннән саклаячак универсаль вакцина булдыру юнәлешендә эш алып бара. Бу хакта агентлык башлыгы Вероника Скворцова белдергән, дип яза ТАСС.

Август аенда Россия Сәламәтлек саклау министрлыгының Гамалея исемендәге үзәк “дельта” штаммыннан саклану өчен махсус камилләштерелгән “Спутник V” вакцинасының эшләнүе турында хәбәр иткән иде инде. Оешма директоры Александр Гинцбург сүзләренчә, галимнәр коронавирусның яңа штаммнарыннан “Спутник V” вакцинасын яңартырга дип тырыша. Шулай ук “КовиВак” вакцинасы да модернизацияләнгән.