Россиянең көньягында самолетлар да очмый...

Россиянең көньягындагы кайбер аэропортларның эше, шул исәптән Краснодар, Сочи һәм Анапа 2 мартка кадәр туктатылган. Бу хакта Интерфакс хәбәр итә.

Очышлар зонасы һава суднолары һәм пассажирлар өчен имин түгел дип танылды. Билгеләп үтелгәнчә, билетларны кире кайтару яки очу вакытын күчерү мәсьәләләре буенча авиакомпаниягә мөрәҗәгать итәргә кирәк.

Исегезгә төшерәбез,  Россия президенты Донбасста махсус хәрби операция уздыру турында игълан итте. Путин сүзләренчә, операциянең сәбәбе "сигез ел дәвамында Киев режимы ягыннан геноцидка дучар булган" төбәк халкын яклау.